在你面前表演的鉄板燒--S2鉄板燒
最近氣溫急跌, 天氣冷特別想食嘢!
前幾天我們幾個女士們一起上到朋友家玩完一輪,
到晚飯時間, 大家經一輪投票後, 原來朋友家附近
竟然有鉄板燒, 自己都已經有十多年未食過,
--S2 鉄板燒.
無想過在住宅區會有這麼多食店,
而S2 鉄板燒, 以長方形及傳統日本裝修為主.
因為時間尚早, 我們便坐在鉄板爐前一邊看著廚師
表演一邊品嚐.
日本勝豚肉奪餐
$450
龍蝦海鮮套餐
$780
清酒餐牌
幾個女士只叫了兩個套餐已經足夠,
日本十勝豚肉 和龍蝦海鮮套餐.
沙律盛合杯
先來些開胃小食--沙律盛合杯.
上面原來有一件鮮嫩豆腐, 用來配合沙律食,
清新得來, 爽口的蔬菜與軟身的豆腐, 口感對比突出.
三點刺身
牡丹蝦
三文魚刺身
三點刺身: 有牡丹蝦, 帆立貝及三文魚.
好欣賞他們先把牡丹蝦的腸挑走, 而且SIZE非常大隻,
肉質結實.
帆立貝下面墊有檸檬片, 令帆立貝有點清新檸檬味,
帶出了帆立貝的原本鮮味.
三文魚雖然是薄切, 但亦很新鮮.
鉄板焗大蜆及岩蠔
鉄板焗大蜆及岩蠔, 它們上面均淋上
用真正黑松露蓉, 少少蒜, 辣椒粉,酒, 芝麻及牛油等.
未試蜆和岩蠔, 先試黑松露, 終於,
找番真正黑松露的味道!!!
因為一直在外面試到的黑松露, 都只食到蒜蓉味,
但卻試不出黑松露!
在這裡找到了, 確實真材實料, 證明食店及廚師對
飲食的要求!!!
蜆肉非常大隻,且甜美.
濃濃的黑松露醬加上岩蠔一起吃,
有點像食緊新年必定菜式發財好事的味道.
鉄板脆皮煎鰻魚
鉄板脆皮煎鰻魚
鰻魚皮煎得脆卜卜, 上面黏有一點蒲燒汁,
一口已經食完, 從未試過如此脆口的鰻魚,
相信喜歡杯中物的男士們, 是不二之選!
好像是波士頓龍蝦, 非常新鮮和多肉啊!
廚師最後把芝士放上龍蝦上,
然後用火鎗燒溶芝士令至乾身.
鉄板醬汁焗原隻龍蝦
龍蝦燒得很漂亮, 很好味, 就連乾了身的芝士可能
吸收了龍蝦的精華, 雖然,芝士會肥, 但大家都不捨得不吃啊!
日本十勝豬豚厚切
廚師先把一塊又大又厚的豬豚肉放上
鉄板上慢慢燒.
日本十勝豚肉厚切
當剛好熟後, 廚師只需用兩隻鏟,
已經把厚厚的豬豚肉切成一粒粒.
肉粒很有豬肉香味, 很多肉汁.
鉄板龍蝦蜆湯
廚師很細心, 見我們個個七嘴八舌,
便把忌廉湯包放在鉄板一旁慢熱著,
好待我們吃完再放上碟上, 為我們剪開袋.
內面有西蘭花, 龍蝦, 大蜆, 而湯是由西蘭花跟忌廉打成,
非常CREAMY. 未試過如此方法飲湯, 很特別又好味!
燒野菜
炒野菜, 只是稍為熟了一些, 不過亦很好味.
S2 特式黑松露炒飯
廚師先把蛋, 紅蘿蔔, 煙肉和白飯炒好,
最後再放上黑松露蓉及少少其他調味料,
飯炒出來粒粒有咬口, 加上香脆煙肉,和剛剛
不多不少的黑松露, 材料不多, 但極之惹味!
雲尼拿雪糕泡芙
最後甜品是雲尼拿泡芙, 雪糕味道不太甜, OK!
最後埋單每位幾佰元, 但可以再次回味鉄板燒的滋味,
還算值得的!
S2鉄板燒
九龍佐敦偉晴街29-37號地下6號舖
電話: 28858955
28858278
"歡迎合作試用, 出席活動, 邀稿!"
留言
張貼留言